ચૂંટણી કાર્ડમાં નામ, સરનામું અને ફોટો ઘરે બેઠા કેવી રીતે સુધારવો? સંપૂર્ણ રીત

ચૂંટણી કાર્ડમાં નામ, ફોટો કે સરનામું ખોટું છે? કચેરીના ધક્કા ભૂલી જાવ અને ઘરે બેઠા મોબાઈલથી કરો સુધારો

કેમ છો મિત્રો, Latest Updateમાં તમારું સ્વાગત છે.

આપણામાંથી ઘણા લોકોના ચૂંટણી કાર્ડ (Voter ID) માં કંઈક ને કંઈક ભૂલ હોય જ છે. કાં તો નામનો સ્પેલિંગ ખોટો હોય, સરનામું બદલાઈ ગયું હોય અથવા તો ફોટો એટલો જૂનો અને કાળો હોય કે ઓળખવામાં પણ તકલીફ પડે!
પહેલા આ સુધારો કરાવવા માટે BLO સાહેબને શોધવા પડતા કે પછી મામલતદાર કચેરીની લાંબી લાઈનોમાં ઊભા રહેવું પડતું. પણ હવે ચૂંટણી પંચે બધું જ ઓનલાઈન કરી દીધું છે! હવે તમે જાતે જ તમારા મોબાઈલમાંથી ૫ મિનિટમાં આ ભૂલો સુધારી શકો છો.

ચાલો આપણી દેશી ભાષામાં જાણીએ કે ચૂંટણી કાર્ડમાં સુધારો કરવાની ૧૦૦% સાચી પ્રોસેસ શું છે:

ઓનલાઈન સુધારો કરવા માટેના ૭ સહેલા સ્ટેપ

સ્ટેપ ૧: સરકારી વેબસાઇટ ખોલો
સૌથી પહેલા તમારા ફોનમાં ગૂગલ ખોલીને voters.eci.gov.in પોર્ટલ પર જાવ.

સ્ટેપ ૨: તમારું ખાતું (એકાઉન્ટ) બનાવો
જો તમે પહેલીવાર આ વેબસાઈટ પર આવ્યા છો, તો તમારો મોબાઈલ નંબર નાખીને OTP મેળવો અને ફ્રીમાં નવું એકાઉન્ટ બનાવી લો. જો પહેલેથી એકાઉન્ટ હોય તો સીધું 'Login' કરી લો.

સ્ટેપ ૩: ફોર્મ 8 (Form 8) પસંદ કરો
લોગીન કર્યા પછી તમને અલગ-અલગ ઓપ્શન દેખાશે. તેમાં 'Voter Services' માં જઈને 'Correction of Entries (Form 8)' પર ક્લિક કરો. ત્યારપછી તમારો EPIC નંબર (એટલે કે જૂના ચૂંટણી કાર્ડનો નંબર) નાખીને આગળ વધો.

સ્ટેપ ૪: તમારે શું કામ છે તે સિલેક્ટ કરો
હવે તમને પૂછવામાં આવશે કે તમારે શું સુધારો કરવો છે? ત્યાં તમારે "Correction of Entries in Existing Electoral Roll" વાળો વિકલ્પ પસંદ કરવાનો છે.

સ્ટેપ ૫: જે ભૂલ હોય તેના પર ટિક કરો
હવે એક નવું પેજ ખુલશે, જેમાં તમારે જે સુધારવું હોય તે ખાના પર ટિક (Right Mark) કરવાનું છે. (જેમ કે નામ, ફોટો અથવા સરનામું). ધ્યાન રાખજો, તમે એકસાથે વધુમાં વધુ ૪ જ વિગતો સુધારી શકશો.

સ્ટેપ ૬: સાચા પુરાવા (દસ્તાવેજ) અપલોડ કરો
તમે જે વસ્તુ સુધારવા માંગો છો, તેનો સાચો પુરાવો તમારે ફોનમાંથી અપલોડ કરવો પડશે:

• નામ સુધારવા માટે: મેરેજ સર્ટિફિકેટ, ગેઝેટ કોપી, પાન કાર્ડ અથવા આધાર કાર્ડ (જેમાં તમારું નામ એકદમ સાચું હોય).

• સરનામું સુધારવા માટે: નવા ઘરનું લાઈટ બિલ, વેરા બિલ, રેશન કાર્ડ અથવા આધાર કાર્ડ.

• ફોટો બદલવા માટે: તમારો નવો, એકદમ સ્પષ્ટ અને પાસપોર્ટ સાઈઝનો ડિજિટલ ફોટો અપલોડ કરો.

સ્ટેપ ૭: ફોર્મ જમા (Submit) કરો
બધી વિગતો સાચી ભરાઈ જાય અને પુરાવા અપલોડ થઈ જાય એટલે ફોર્મ સબમિટ કરી દો. છેલ્લે તમને એક Reference ID (રેફરન્સ નંબર) મળશે, જે તમારે સાચવીને લખી લેવાનો છે.

આટલી બાબતો ખાસ ધ્યાનમાં રાખજો:

• પુરાવાની સ્પષ્ટતા: તમે જે પણ ડોક્યુમેન્ટનો ફોટો પાડીને અપલોડ કરો, તે એકદમ ચોખ્ખો અને વંચાય એવો હોવો જોઈએ. જો ફોટો ઝાંખો હશે તો તમારું ફોર્મ કેન્સલ (Reject) થઈ જશે.

• નવું કાર્ડ ક્યારે આવશે?: ફોર્મ ભર્યા પછી અધિકારી ચેક કરશે અને સુધારો મંજૂર થયા બાદ અંદાજે ૨૦ થી ૪૦ દિવસમાં નવું પ્લાસ્ટિકનું (PVC) કાર્ડ સ્પીડ પોસ્ટ મારફતે સીધું તમારા ઘરે આવી જશે.

• ટ્રેકિંગ કેવી રીતે કરવું?: તમને જે રેફરન્સ નંબર મળ્યો છે, તેનાથી તમે પોર્ટલ પર 'Track Application Status' માં જઈને ચેક કરી શકો છો કે તમારું કામ ક્યાં સુધી પહોંચ્યું છે.

છેલ્લી વાત:

મિત્રો, સાચું ચૂંટણી કાર્ડ હોવું એ દરેક નાગરિકનો હક છે. એજન્ટોને 100-200 રૂપિયા આપ્યા વગર જાતે જ મોબાઈલથી આ કામ કરતા શીખી જાવ.
આ માહિતી દરેક પરિવાર માટે બહુ જ ઉપયોગી છે. અત્યારે જ આ લેખને તમારા બધા જ WhatsApp ગ્રુપમાં શેર કરી દો, જેથી બીજા લોકોને પણ કચેરીના ધક્કા ન ખાવા પડે!