સ્કૂલ લિવિંગ સર્ટિફિકેટ (LC) માં સુધારો કેવી રીતે કરવો? જાણો સાચી રીત

📄 સ્કૂલ લિવિંગ સર્ટિફિકેટ (LC) માં નામ કે જન્મતારીખ ખોટી છે? જાણો સુધારો કરવાની 100% સાચી અને કાયદાકીય રીત

કેમ છો મિત્રો! Latest Update માં તમારું સ્વાગત છે.

​સ્કૂલનું લિવિંગ સર્ટિફિકેટ (જેને આપણે ટૂંકમાં LC કહીએ છીએ) એ આપણો સૌથી મોટો અને પાક્કો પુરાવો છે. નોકરીથી લઈને પાસપોર્ટ સુધી બધે જ આ કાગળ માંગે છે. પણ તકલીફ ત્યારે થાય જ્યારે ખબર પડે કે સાલું LC માં તો નામના સ્પેલિંગમાં ભૂલ છે, અટક ખોટી છે અથવા તો જન્મતારીખ જ અલગ લખાઈ ગઈ છે!

​ગુજરાત શિક્ષણ બોર્ડના નિયમો આ બાબતે બહુ જ કડક છે. ભૂલ સુધારવા માટે ગમે ત્યાં આંટાફેરા મારવા કરતા, સાચી રીત જાણવી બહુ જરૂરી છે. LC માં સુધારો ક્યારે અને શેમાં કરવો છે, તેના આધારે પ્રોસેસ અલગ-અલગ હોય છે. ચાલો કોઈ અઘરી ભાષા વગર, સાવ સીધી દેશી ભાષામાં સમજીએ.

​આ પ્રોસેસને આપણે બે ભાગમાં વહેંચીશું:

૧. બાળક હજુ ભણતું હોય ત્યારે

૨. શાળા છોડી દીધી હોય ત્યારે

​ભાગ ૧: જો વિદ્યાર્થી હજુ શાળામાં ભણતો હોય (LC નીકળ્યું ન હોય)

​જો તમારું બાળક હજુ સ્કૂલમાં જ ભણે છે અને તમને ખબર પડી કે સ્કૂલના જનરલ રજિસ્ટર (GR) માં નામ કે તારીખ ખોટી છે, તો આ કામ બહુ સહેલું છે. તમારે નીચે મુજબ કરવાનું રહેશે:

• ​અરજી આપવી: વાલીએ પોતાના બાળકના જન્મના અસલ દાખલા (Birth Certificate) ની નકલ સાથે શાળાના આચાર્ય (પ્રિન્સિપાલ) ને એક લેખિત અરજી આપવાની રહેશે કે "મારા બાળકની માહિતીમાં આ સુધારો કરી આપો."
• ​મંજૂરી ક્યાંથી મળશે? શાળાના આચાર્ય સીધેસીધું નહિ સુધારી શકે. તેઓ આ અરજી DEO (જિલ્લા શિક્ષણાધિકારી) અથવા DPEO ને મોકલશે. ત્યાંથી મંજૂરીનો કાગળ આવશે, એટલે શાળાના રેકોર્ડમાં લાલ શાહીથી (Red Ink) સુધારો કરી દેવામાં આવશે.

​ભાગ ૨: જો વિદ્યાર્થીએ શાળા છોડી દીધી હોય (LC હાથમાં આવી ગયું હોય)

​આ સૌથી મોટી મગજમારી વાળું કામ છે. એકવાર તમે શાળા છોડી દીધી અને LC પ્રિન્ટ થઈને તમારા હાથમાં આવી ગયું, પછી શાળા વાળા પોતાની જાતે તેમાં કોઈ જ છેડછાડ કે સુધારો કરી શકતા નથી. એના માટે કાયદાકીય રસ્તો જ પકડવો પડે.

​અલગ-અલગ સુધારા માટે અલગ પ્રોસેસ છે, ધ્યાનથી સમજજો:

​✅ ૧. નામ, અટક કે પિતાના નામમાં સુધારો કરવો હોય:

• ​આના માટે તમારે સૌથી પહેલા વકીલ કે નોટરી પાસે જઈને એક એફિડેવિટ (સોગંદનામું) કરાવવું પડશે કે "મારું સાચું નામ આ છે અને LC માં ભૂલથી આ છપાયું છે."
• ​એફિડેવિટ થયા પછી, તમારે ગુજરાત સરકારના ગેઝેટ (રાજપત્ર) માં નામ સુધારાની ઓનલાઈન જાહેરાત આપવી પડશે.
• ​થોડા દિવસમાં ગેઝેટની નકલ ઘરે આવશે. બસ, આ ગેઝેટની નકલને તમારા જૂના LC સાથે સ્ટેપલ કરીને જોડી દો. હવે તમે બધે જ આ બંને કાગળ સાથે આપશો એટલે તમારું સાચું નામ જ માન્ય ગણાશે. (LC નવું નહિ મળે, ગેઝેટ જ સાબિતી છે).

​✅ ૨. જન્મતારીખમાં સુધારો કરવો હોય (સૌથી અઘરી પ્રોસેસ):

• ​જો LC માં જન્મતારીખ ખોટી હોય અને તમારે બદલવી હોય, તો એમનેમ કોઈ નહિ બદલી આપે. આના માટે કોર્ટનો ઓર્ડર (ફર્સ્ટ ક્લાસ જ્યુડિશિયલ મેજિસ્ટ્રેટનો હુકમ) ફરજિયાત જોઈશે!
• ​તમારે કોર્ટમાં જઈને સાચો જન્મનો દાખલો અને બીજા નક્કર પુરાવા રજૂ કરવા પડશે અને સાબિત કરવું પડશે કે શાળાએ ભૂલ કરી છે.
• ​જ્યારે જજ સાહેબ ઓર્ડર કરશે, એ ઓર્ડર લઈને શાળામાં જશો, ત્યારે જ નવું LC કે માન્ય સુધારો કરી આપવામાં આવશે.

​✅ ૩. જાતિ (Caste) માં સુધારો કરવો હોય:

• ​જો જનરલની જગ્યાએ SC/ST/OBC કે બીજી કોઈ જાતિ ખોટી લખાઈ ગઈ હોય, તો તમારે મામલતદાર કે સમાજ કલ્યાણ અધિકારી પાસેથી સાચો જાતિનો દાખલો (Caste Certificate) કઢાવવો પડશે.
• ​આ દાખલો અને એફિડેવિટ લઈને જશો, તો DEO સાહેબની મંજૂરીથી આમાં સુધારો કરાવી શકાશે.

​💡 પાવરફુલ ટિપ: આડાઅવળા ધક્કા ખાતા પહેલા 'આ' સાચો રસ્તો પકડો!

​મિત્રો, કોઈ એજન્ટને પકડીને સીધા પૈસા ખર્ચવા કરતા સૌથી બેસ્ટ રસ્તો એ છે કે: સૌથી પહેલા તમે જે શાળામાંથી LC કઢાવ્યું છે, ત્યાં રૂબરૂ જાવ. ત્યાંના આચાર્ય કે ક્લાર્ક સાહેબને શાંતિથી પૂછો કે "મારી આ ભૂલ છે, મારે શું કરવું?"

​ભૂલ કેવી છે તેના આધારે એ લોકો જ તમને સાચો રસ્તો બતાવશે કે તમારે ગેઝેટ કઢાવવું પડશે, DEO કચેરી જવું પડશે કે પછી કોર્ટના ધક્કા ખાવા પડશે.

​છેલ્લી વાત:

LC ની ભૂલ નાની હોય તો પણ પાછળથી મોટું નુકસાન કરી શકે છે. જો તમારા ઘરમાં કે સગાવહાલામાં કોઈના બાળકના LC માં આવી ભૂલ હોય, તો અત્યારે જ આ ઉપયોગી માહિતી એમને WhatsApp પર શેર કરી દો, જેથી એમને સાચી દિશા મળી રહે અને ખોટા ધક્કા ન ખાવા પડે!

​કોઈ પ્રશ્ન હોય તો નીચે કોમેન્ટમાં જરૂરથી પૂછજો.

WhatsApp ગ્રુપમાં જોડાવો